
uaul@disentis.ch
Igl uffeci forestal ed il menaschi tecnic surprendan numerusas lavurs da manteniment ella vischnaunca da Mustér. Igl unviern ein els responsabels per la rumida da neiv, preparan las sendas d'unviern e tgiran las rutas da gianellas. Plinavon tegn il cussegliader local da prighels dalla natira en egl il prighel da lavinas e pren mesiras en cass da basegns. Duront ils meins senza neiv exequeschan las squadras differentas lavurs forestalas, en special la tgira digl uaul da protecziun, e peinan l'infrastructura turistica per il menaschi da stad. Leutier s'auda il manteniment cuntinuont dallas sendas da viandar, dallas fueinas e digl areal da recreaziun a Fontanivas. Il medem mument tgiran els regularmein las vias d'uaul, las vias da funs e las vias da meglieraziun sco era las lavineras. Igl uffeci forestal ed il menaschi tecnic han plinavon era quitau dallas installaziuns publicas – adina en favur dalla natira e dalla cuminonza.
Il team dil menaschi tecnic lavura igl entir onn per il manteniment dall’infrastructura communala e per la protecziun da prighels dalla natira. Fotografias ed informaziuns da lur lavur anfleis Vus sin il canal d’Instagram «MenTec_Disentis».
Vuleis Vus far part da nossa squadra? Lu scuvri ussa nossas plazzas libras.
Gassa da Cuoz 1, 7180 Disentis/Mustér
Pervia da lavurs da manteniment, tagls da lenna, neiv ni prighels dalla natira ston las sendas da viandar, las vias d’uaul e las vias campestras per part vegnir serradas a cuorta vesta. La survesta actuala anfleis Vus cheu.
Affitaziun da meisas e bauns | formular online |
Affitaziun da stans da fiera | formular online |
Lenna da brisch | formular online |
Begls | sin damonda |
Bauns da larischs | sin damonda |
Pignola d’advent e da Nadal | formular online |
Stialas per scaldar | sin damonda |
Pals e buoras da castagner | sin damonda |
En cass da damondas dat il schef dil menaschi tecnic, Simon Cathomen, bugen sclariment sut uaul@disentis.ch ni 081 920 36 41.
Sin la Senda dils Laruns denter Pardi e Stavel stattan endisch hazers laruns che envidan d’observar, ruassar, smarvigliar e reflectar. Las petgas da larisch imposantas dattan informaziuns ed indezis per scuvierer da niev ed a moda intensiva la bellezia digl uaul da muntogna e dalla cuntrada culturala alpina. La Senda dils Laruns ei vegnida construida denter auter dalla squadra dil menaschi tecnic e vegn mantenida regularmein. La senda ei ver dus kilometers liunga ed adattada per famiglias.