Gestiun dil rumien

gliendisdis – venderdis: 12.00 – 17.00
sonda: 08.00 – 11.00

L’agenda da rumien dat ina survesta co e nua dismetter tgei rumians.

Rimnada da pupi vegl duront ils temps d’avertura dil post da rimnada principal a Raveras. Supplementarmein organisescha la scola da Mustér dus dis da rimnada (ils datums vegnan mintgamai communicai el Fegl ufficial Surselva).

Rumien special sco colur, mied da rarificar, vernisch, soluziuns alcalicas, etc. sto vegnir returnau al liug da vendita resp. ad ina firma specialisada sin quei camp.

Art. 33 – lescha davart l’economisaziun dils rufids
Medicaments, tissis, colur ed ulteriuras materias nuscheivlas astgan buca vegnir dismessas ell’aua resp. ella canalisaziun. Tals rumians ein da returnar al post da vendita e da dismetter a moda professiunala tenor las prescripziuns da Cantun e Confederaziun.

Art. 7 – lescha davart l’economisaziun dils rufids

Rufids sin plazzals da baghegiar ein:

1. a) material buca tschuffergnau sco tratsch, glera e crappa sa vegnir utilisaus senza restricziuns resp. vegnir plazzaus sin ina deponia lubida per material da scavament.
2. b) rumien da construcziun che sa vegnir reutilisaus resp. plazzaus sin ina deponia per material (Innertstoffdeponie).
3. c) rumien da construcziun (rufid bloccont) che corrispunda buc allas categorias sura e che sto vegnir zavraus ed elaboraus, deponius e barschaus en in implont corrispundent per ch’ins sappi reutilisar ils materials.

Art. 24 – lescha davart l’economisaziun dils rufids

Material che deriva da sanaziuns da baghetgs e da restonzas da baghetgs ston ins rimnar e reutilisar separadamein. Restonzas ch’ins sa buca reutilisar ston ins dismetter en ina deponia da reactur resp. barschar en in implont adattau. Igl ei strictamein scumandau da barschar restonzas da baghetgs.

Rumien da construcziun ston ins rimnar en recipients adattai sin ils plazzals da baghegiar ni furnir ad interpresas specialisadas. Igl ei scumandau da deponer tals rumians el center da rimnada a Raveras.