Lubientschas per persunas jastras
Ella partiziun lubientschas per persunas jastras survegnan habitontas e habitonts da Mustér sustegn en connex cun damondas da lubientscha, cun prolungaziuns dalla lubientscha da persunas jastras, cun damondas da reuniun dalla famiglia e cun midadas d'adressa enteifer la vischnaunca.
Informaziuns impurtontas
Lubientscha per persunas jastras
Persunas jastras che stattan pli ditg che treis meins en Svizra ein obligadas da s’annunziar al spurtegl dall’administraziun communala avon che entscheiver a luvrar per survegnir ina permissiun da dimora.
UE/AECL (A1)
Persunas da stadis dall’UE/AECL ston emplenir il formular A1 e surdar ina copia dalla carta d’identitad valeivla ni dil pass valeivel.
Ordeifer l’UE/AECL (B1)
Persunas da stadis ordeifer l’UE/AECL ston emplenir il formular B1 e surdar tut ils ulteriurs documents prescrets.
Cheu anfleis Vus ils formular digl uffeci da migraziun e da dretg civil.
Lubientscha per persunas jastras (< 3 meins)
Persunas che lavuran pli pauc che treis meins en Svizra ein obligadas da s’annunziar tier igl Uffeci per industria, mistregn e lavur KIGA.
Midadas d’adressa
En cass d’ina midada d’adressa enteifer la vischnaunca da Mustér ein persunas jastras obligadas da s’annunziar enteifer otg dis al spurtegl dall’administraziun communala. Ellas ein supplicadas da prender cun ellas ils suandonts documents:
- legitimaziun da persunas jastras
- carta d’identitad valeivla ni pass valeivel
Ulteriurs documents
Ulteriurs documents pertuccont la lubientscha per persunas jastras ein avon maun tier igl Uffeci da migraziun e da dretg civil.
Formulars
Formular da damonda A1
Formular da damonda A2
Formular da damonda B1
Formular da damonda B2
Formular da damonda Z1
Formular da damonda Z2
