Controlla da habitontas e da habitonts

Persunas che vegnan a star da niev a Mustér ein obligadas da s’annunziar al spurtegl dalla controlla da habitontas e da habitonts enteifer 14 dis dapi lur arrivada. Per s’annunziar ein ils suandonts documents necessaris:

Persunas svizras

• attest d’origin
• cumprova dalla cassa da malsauns (famiglias: per tut las persunas)
• contract da locaziun

Quels documents saveis Vus tarmetter per e-mail ad admin@disentis.ch. Ulteriurs documents per l’annunzia anfleis Vus sut Formulars.

Persunas jastras

• pass
• legitimaziun da persunas jastras (sche quella ei avon maun)
• cumprova dalla cassa da malsauns (famiglias: per tut las persunas)
• formular «damonda da permissiun per persunas jastras A1/B1» empleniu e suttascret (incl. documents pretendi supplementarmein)
• contract da locaziun

Dimora duront l’jamna

• certificat d’origin
• contract da locaziun
• cumprova dalla cassa da malsauns (famiglias: per tut las persunas)

Ina partenza sto vegnir annunziada al spurtegl dalla controlla da habitontas e da habitonts avon che partir. Las suandontas indicaziuns ein necessarias:

Persunas svizras

• data dalla partenza
• nova adressa

Persunas jastras

• data dalla partenza
• nova adressa
• legitimaziun da persunas jastras

Dimora duront l’jamna

• data dalla partenza
• adressa dil domicil principal

Cheu anfleis Vus ulteriuras informaziuns e formulars dil uffeci da migraziun e da dretg civil.

Ins sto annunziar la midada d’adressa alla controlla da habitontas e da habitonts enteifer 14 dis. Las suandontas indicaziuns ein necessarias:

Persunas svizras

• nova adressa
• data dalla midada
• midada dad ulteriuras commembras e commembers dalla famiglia

Persunas jastras

• nova adressa
• data dalla midada
• midada dad ulteriuras commembras e commembers dalla famiglia
• legitimaziun da persunas jastras
• copia dil pass / dalla carta d’identitad

Ina midada enteifer la Svizra san ins era annunzia sur www.eumzug.swiss.

Informaziuns davart l’adressa vegnan dadas per telefon mo ad uffecis. Firmas sco era persunas privatas ston far lur damonda per posta ni per e-mail alla controlla da habitontas e da habitonts.

Persunas che habiteschan temporarmein (silmeins treis meins) en in’autra vischnaunca e retuornan regularmein ella vischnaunca da Mustér, ein obligadas da s’annunziar ella vischnaunca da dimora temporara sco dimorantas e dimorants duront l’jamna. Per s’annunziar drovan ellas in certificat d’origin che vegn emess dall’administraziun communala.

• certificat d’origin CHF 10.–
• prolungaziun dil certificat d’origin CHF 10.–

Ils originals cun bul surdat l’administraziun communala.

Vus saveis dumandar il scret d’origin via il formular online.

Per damondas ufficialas ni per auters intents che pretendan in document da dimora emetta l’administraziun communala ina confirma da dimora. Quella confirma l’adressa ed il cuoz dil domicil ella vischnaunca.

• confirma da dimora CHF 10.–

Ils originals cun bul surdat l’administraziun communala.

Vus saveis dumandar la conferma da dimora via il formular online.

Ina commembra ni in commember dalla famiglia ei obligada resp. obligaus d’annunziar il mortori enteifer dus dis all’administraziun communala. La persuna che fa l’annunzia sto purtar sperasvi l’attestaziun da mort emplenida d’ina pratica da miedi. Sche la persuna defuncta vegn satrada en vischnaunca, eis ei da communicar la data da mort, dil rusari e dalla sepultura.

Divers documents san ins empustar tier igl Uffeci civil Surselva a Glion.

La controlla da habitontas e da habitonts pren encunter testaments, contracts da lètg e/ni d’ierta per tener en salv. En cass da mortori vegnan quels surdai alla Dertgira regiunala Surselva. En cass da partenza ei la depositura ni il depositur sezza responsabla resp. sez responsabels da deponer ils documents el niev domicil. Ins sa surdar ils documents al spurtegl ni tarmetter els per posta cun ina brev recumandada.

Administraziun communala da Mustér
p.m. controlla da habitontas e da habitonts
Via Cons 2
Caum postal 57
7180 Mustér

taxa da deposit CHF 100.–