Revisiun parziala dalla planisaziun locala – Secunda exposiziun publica da cooperaziun
En applicaziun digl art. 13 dall’ordinaziun cantunala davart la planisaziun dil territori pil cantun Grischun (OPTGR) ha liug la secunda exposiziun publica da cooperaziun per ina revisiun totala dalla planisaziun locala dalla vischnaunca da Disentis/Mustér.
Liug e temps d’exposiziun:
online www.mitwirken-disentis.ch ni en casa communala Via Cons 2, 7180 Disentis/Mustér (stanza nr. 01/plaunterren), duront las uras da spurtegl.
Propostas motivadas per midar ni cumpletar ils mieds da planisaziun ein da far a scret entochen ils 21 d’avrel 2025 sin www.mitwirken.disentis.ch ni a scret alla suprastonza communala, Via Cons 2, 7180 Disentis/Mustér (datum dil bul postal).
Audienzas concernent la planisaziun locala
En connex cun l’exposiziun da cooperaziun porscha la vischnaunca ensemen cun la planisadra uras d’audienza. A caschun da quellas uras d’audienza eis ei pusseivel da tschentar damondas specificas concernent igl agen schischom.
Venderdis, ils 28 da mars 2025, denter las 8.30 e las 18.00
Sonda, ils 29 da mars 2025, denter las 8.30 e las 21.00
Per las audienzas eis ei da fixar silmeins treis dis ordavon in termin cun l’administraziun communala sut tel. 081 920 36 36 duront las uras da spurtegl.
Per mintga audienza ei reservau in temps da maximalmein 30 minutas, ils termins vegnan defini en succesiun dalla annunzias. Fagei aschi bien e communichei ils nums dils participonts, ils schischom pertuccai resp. las parcellas pertuccadas ed il cuntegn resp. la tematica che duei vegnir discurrida.
Disentis/Mustér, ils 21 da mars 2025
Suprastonza communala Disentis/Mustér
