Formulars

Ils suandonts formulars saveis Vus cargar giu directamein cheu ni en il spurtegl virtual sut downloads.

Formulars:

• Annunzia da baghegiar
• Damonda da baghegiar
• Damonda alla polizia da fiug
• Damonda da colligiaziun al provediment d'aua
• Damonda da baghegiar per stabiliments ordeifer la zona da baghegiar
• Damonda agl uffeci da construcziun bassa
• Stabiliments solars annunzia e declaraziun persunala

Links:

• Uffeci per la natira ed igl ambient (Formulars e directivas)
• Dossier d'energia (tenor basegns)

Annunzia da termins:

• Annunziar ils termins tenor il svilup da baghegiar

Projects

Suandonts projects basegnan ina damonda da baghegiar:

1. La construcziun da novs edifecis e stabiliments ni per l'engrondaziun d'edifecis e stabiliments existents.
2. Midadas egl intern d'edifecis e stabiliments cun consequenza sin igl uorden da gudiment, p.ex. la classificaziun tenor il consum d'aua ni il diember da parcadis, il diever da habitaziuns (habitaziuns primaras e secundaras).
3. La sanaziun da tetgs.
4. Stabiliments e menaschis da plazzas da campar, cavas da crappa e gera.
5. Midadas da terren ordeifer la zona da baghegiar.
6. Tuts projects che pretendan ina lubientscha digl uffeci davart il svilup dil territori dil Cantun Grischun.
7. Tuts projects che san buca vegnir risguardai sco annunzia da baghegiar.
8. Stabiliments d'avertura
   
   

Documentaziun per la damonda da baghegiar:

• Plan da situaziun 1:500
• Plans da scadina alzada en proporziun cun indicar la grossezia dallas preits (mirs), igl intent dallas stanzas, las mesiras da finiastras, escha, scalas il material e la mesira dils indrezs per far fiug
• Ils plans el tagl vertical
• Ils plans da fatschada en proporziun
• Ils plans da project per lavurs vid il contuorn cun las modificaziuns da terren, mirs da sustegn, seivs, etc.
• Ina cuorta descripziun da construcziun cun indicar igl intent, l'execuziun ed il parcadi
• La calculaziun detagliada dalla cefra d'utilisaziun e dils parcadis
• L'indicaziun approximativa dils cuosts da baghegiar
• Ils documents per cundrezs suttamess alla polizia da fiug
• Ils documents per la protecziun civila
• Mussament d'energia (era mo per parts da baghetgs)
• La decisiun preliminara dall'assicuranza da baghetgs per baghetgs en la zona da prighel
• La declaronza davart la reutilisaziun dils rufids da baghetgs; cun concept da recicladi
  retschercas en connex cun materias nuscheivlas
• Ils mussaments d'immissiun per stabiliments enteifer il cataster d'immissiuns ni cun atgna producziun da canera
• Ils mussaments per lubientschas da scavament e sondaziuns per aua sutterrana e pumpas da calira
• Eventualas cunvegnientschas cun convischins ed impurtaziuns el cudisch funsil
• Declaronza davart igl intent da habitar (initiativa davart habitaziuns secundaras)
  
  

Quella gliesta ei exemplara. Tenor project basegna ei mo ina part dils documents numnai. Tier edifecis e stabiliments ordeifer la zona da baghegiar, sper vias cantunalas, spel trasse dallas viafiers e per menaschis da lavur e mistregn (incl. ustrias) sco era per baghetgs enteifer la zona forestala basegna ei lubientschas supplementaras. En cass da damondas dat igl uffeci da baghegiar bugen sclariment.