Annunzia da baghegiar
Documentaziun
La documentaziun ei d'inoltrar mintgamai en dus exemplars agl uffeci da baghegiar. Al formular d'annunzia ei d'aschuntar ils suandonts documents:
- plan da situaziun
- plans, skizzas (cun indicar mesiras) e fotografias che dattan informaziun davart las lavurs previdas.
Formulars
Il formular correspondent saveis Vus cargar giu cheu ni el spurtegl virtual (sut downloads).
• Dossier d'energia (tenor basegns)
Suenter l'introducziun dall'annunzia vegn quella examinada digl uffeci da baghegiar communal. Il patrun obtegn l'attestaziun dall'annunzia ni ina communicaziun nua ch'el vegn envidaus d'inoltrar ina damonda da baghegiar. Cun las lavurs d'execuziun astga en mintga cass vegnir entschiet pér suenter haver obteniu la communicaziun dall'instanza da baghegiar.
Projects
Suandonts projects basegnan in’annunzia da baghegiar:
Per semplas lavurs vid baghetgs, indrezs e contuorns exista la pusseivladad dall'annunzia da baghegiar. Il project vegn annunziaus cun il formular preparaus per quei intent.
Manteniment e reparaturas
Lavurs da reparatura e manteniment vid edifecis e stabiliments aschinavon ch'ei setracta sulettamein per mantener la valeta digl object e ch'ei seresulta negina midada d'intent.
Midadas interiuras
Pintgas midadas egl intern d'edifecis e stabiliments aschinavon che la surfatscha utilisada dil diember da localitads vegn buca midada. Per edifecis e stabiliments ordeifer la zona da baghegiar basegna ei ina damonda da baghegiar.
Suttetgs
Edifecis cun in volumen entochen 5.0 m3 sco era suttetgs per velos cun ina surfatscha d'entochen 4.0 m2.
Edifecis e stabiliments temporars
Edifecis e stabiliments che vegnan postai ni installai duront maximalmein 6 meins ad onn.
- Stans da restauraziun e vendita
- Staziuns da service per urdeins da sport e da temps liber
- Stans, camonas, budas, tendas da fiasta per presentaziuns, per exposiziuns e per ulteriuras occurrenzas
- Plazs da giug per affons
- Runals pigns, tschentas da transport per skis, plazzas da glatsch naturalas
- Indrezs per tschancuns da cuorsas e per disciplinas da sport d'aventura
- Tablas da reclama per liung dallas vias
- Tablas da reclama buca illuminadas vid indrezs turistics cun ina surfatscha entochen 5 m2
Edifecis e stabiliments da stagiun
Iglus, tendas da tipi ed indrezs semeglionts per dormitoris en territoris da skis duront la sesiun d'unviern ni sin beins purils naven dil matg entochen igl october, aschinavon ch'ei vegn installau negins indrezs sanitars ferms.
Orts e curtins
Indrezs davart la formaziun da curtins, sco sendas, plazs da seser, storas, scalas en scarpas (scalas el liber drovan ina damonda), fueinas, biotops, trucs da fluras, objects d'art, bandieras. Per tals indrezs ordeifer la zona da baghegiar basegna ei ina damonda da baghegiar.
Reclamas ed inscripziuns
Indrez da reclamas sco tablas da firmas, vitrinas, reclamas da glisch e tablas d'informaziun entochen ina grondezia da 1.5 m2 (mira reclamas).
Antennas
Recepturs da satelit (antennas parabolas) per radio e televisiun cun ina surfatscha entochen 1.5 m2.
Signals e tablas da traffic
Muossavias e tablas sco signals da traffic, tablas stradalas, signalisaziuns da sendas e segns dalla mesiraziun.
Cruschs ed art
Segns buca illuminai sco cruschs entochen ina grondezia da 3.00 m, objects d'art.
Indrezs tecnics
Indrezs tecnics sco indrezs d'illuminaziun publica, scaffas da pilotadi, hidrants, indrezs da mesiraziun, pals, stangas e bauns.
Indrezs da segirtad
Indrezs da segirtad sco
- Reits per retener la neiv per liung dallas vias da traffic
- Seivs da schurmetg, reits, barricadas (barrieras)
- Tschabergals da segirtad
Energia solara
Collecturs solars buca reflectonts ni cellas solaras cun ina surfatscha maximala da 6.0 m2 enteifer la zona da baghegiar ed entochen 2.0 m2 ordeifer la zona da baghegiar.
Midadas da terren
Midadas da terren entochen in'altezia ni profunditad da max. 0.8 m ed ina cubatura da midada da max. 100 m3. Per midadas da terren ordeifer la zona da baghegiar basegna ei ina damonda da baghegiar.
Seivs e mirs
Seivs, mirs da sustegn e mirs en connex cun emplenidas da material entochen in'altezia maximala dad 1.00 m. Ordeifer la zona da baghegiar basegna ei per tals indrezs ina damonda da baghegiar.
Suschnas senza fundament
Suschnas senza fundament e semeglionts per animals da nez entochen ina surfatscha da 25 m2, tunnels da plastic e stans da mulscher senza fundament sco era indrezs semeglionts per l'agricultura e per la horticultura.
Depots da material
Depots da material che vegnan endrizzai sulettamein ina gada ad onn per in temps da maximalmein 4 meins.
Installaziuns da plazzals
Installaziuns da plazzals, aschinavon ch'els caschunan buca immissiuns considerablas. Alloschaments per collaboraturas e collaboraturs basegna ei ina damonda da baghegiar.
Plontas
Il dismetter gruppas da plontas enteifer e cunfinont cun il territori da baghegiar. Las distanzas da cunfin per plontas sedrezzan tenor las prescripziuns dalla lescha introductiva tiel cudisch civil svizzer.
Spazzar baghetgs
Spazzar baghetgs ni parts da baghetgs.
Installaziuns energeticas el senn dallas prescripziuns dalla lescha d'energia cantunala
Era el cass ch'ei basegna buca ina procedura da baghegiar!
- Tuts sistems per scaldar baghetgs
- Tuts sistems per scaldar aua da diever
- Tuts sistems per isolar baghetgs ni parts da baghetgs che vegnan scaldai (baghetgs novs, baghetgs existents, baghetgs annexs) aschuntar mussament d'energia per la part che vegn sanada ni remplazzada.
Quella gliesta ei exemplara, en cass da damondas dat igl uffeci da baghegiar bugen sclariment.