Lubientscha da luvrers jasters EU/EFTA (A1)

Persunas digl exteriur che stattan pli ditg che 3 meins en Svizra ein obligai da s'annunziar avon che prender si la lavur en Svizra tier l'administraziun communala per tschentar ora ina lubientscha. Jasters ch'ein burgheis dils stadis da EU/EFTA ein obligai d'emplenir ora il formular A1 sco era da purtar ina copia da lur carta d'identitad ni passaport valeivel.

EU-25/EFTA
Austria, Belgia, Cipra, Danemarc, Estonia, Finlanda, Frontscha, Liechtenstein, Grezia, Gronda Britannia, Hollanda, Italia, Irlanda, Islanda, Lettonia, Lituania, Luxemburg, Malta, Norvegia, Pologna, Portugal, Republica Slovaca, Republica Tscheca, Slovenia, Spagna, Svezia, Tiara Tudestga, Ungaria

EU-2 Staaten
Bulgaria, Rumenia

Lubientscha da luvrers jasters ordeifer EU/EFTA (B1)

Persunas digl exteriur che stattan pli ditg che 3 meins en Svizra ein obligai da s'annunziar avon che prender si la lavur en Svizra tier l'administraziun communala per tschentar ora ina lubientscha. Jasters ch'ein burgheis da stadis ordeifer ils stadis da EU/EFTA ein obligai d'emplenir ora il formular B1 cun tut ils documents prescrets (gliesta da documents prescrets anfleis Vus cheu).

Midada d'adressa da luvrers jasters

Tier ina midada d'adressa enteifer la vischnaunca da Disentis/Mustér sco era enteifer la Svizra ein las persunas digl exteriur obligadas d'annunziar la midada enteifer 8 dis al spurtegl dall'administraziun communala. Las persunas vegnan supplicadas da prender cun ils suandonts documents: libret sco era la carta d'identitad ni passaport valeivel.